Kiel atingi Pisa-n

Aŭtomobile.

Pisa troviĝas ĉe la kruciĝo inter Aŭtoŝoseo A11 "Firenze-Mare" kaj Aŭtoŝoseo A12 "Genova-Rosignano". De Florenco oni povas atingi Pisa-n ankaŭ per la Rapida Aŭtovojo "Firenze-Pisa-Livorno" (plurloke indikita kiel FI-PI-LI), kaj krome ĝin trapaŝas la ŝtata vojo SS1 "Aurelia" kiu iras de Romo al Ventimiglia.

Trajne.

Pisa estas la dua fervoja nodo de Toskanujo, kaj unu el la ĉefaj de centra Italujo. De la nordo ĝi estas atingebla de Ventimiglia tra Ĝenovo, de Modane tra Torino kaj Ĝenovo, de Chiasso tra Milano, de Brennero tra Verono kaj Bolonjo, de Tarvisio tra Udine kaj Venecio. De la oriento ĝi estas atingebla tra Florenco. De la sudo ĝi estas atingebla tra Romo.

Aviadile.

En Pisa troviĝas internacia flughaveno kunligita kun tuta Eŭropo. Ĉiutage estas 14 naciaj flugoj (kun Alghero, Catania, Milano Malpensa, Napoli, Roma, Trapani) kaj preskaŭ 40 internaciaj (kun Amsterdam, Barcelona, Barcelona Girona, Berlin, Billund, Bournemouth, Bristol, Bruxelles-Brussel, Doncaster, Dublin, East Midlands, Eindhoven, Frankfurt, Friedrichshaven, Glasgow, Hamburg, Hannover, Karlsrhue, Koln-Bonn, Liverpool, London Gatwick, London Stansted, Madrid, Malta, Munchen, Oslo, Paris De Gaulle, Paris Orly, Sevilla, Stuttgart, Tirana, Valencia). Aliaj proksimaj flughavenoj bone kunligitaj estas tiuj de Florenco, Romo, Ĝenovo kaj Milano.


Vai alla pagina iniziale

Iru al la starta paĝo